Dantza emanaldiak eskeiniko ditu Oberenak asteburuan

Bihar Euskal Herriko dantzari egunean parte hartuko du, Berriozarren. Igandean Orriora joanen dira Ezkabarteko egunean dantzak plazaratzera.

Mañana participarán en el Dantzari Eguna de Euskal Herria, en Berriozar. El domingo acudirán a Orrio para bailar en el día de Ezkabarte.

Nafarroako ordezkaritzarekin batera joanen da Oberena Oiartzunera

Aurtengo Euskal Herriko Dantzari Eguna Gipuzkoan izanen da igande honetan. Nafarroatik lau talde hurbilduko dira Iribasko ingurutxoa eta Tuterako jota dantzatzeko.

Este año el Euskal Herriko Dantzari Eguna será en Gipuzkoa este domingo. Desde Navarra acudirán cuatro grupos para intrepretar el ingurutxo de Iribas y la jota de Tudela.

Euri artean dantzan

Euriari izkin egin eta estalpean ospatu zen 2010. urteko Euskal Herriko Dantzari Eguna. Izugarrizko eguna izan zen igandekoa eta argazkiak zein bideoak ikusgai dira interneten.

A pesar de la lluvia el Dantzari Eguna de Euskal Herria siguió adelante. Un gran día del que no faltan documentos gráficos y videos.

Badator EHDE

Baionan izanen da Euskal Herriko Dantzari Eguna. Nazio osoko ordezkariak bilduko dira maiatzaren 2an Lapurdiko hiriburuan Euskal Dantzarien Biltzarrak antolaturiko egunean.

El Dantzari Eguna de Euskal Herria será en Baiona. Representantes de todas las provincias se congregarán en la capital labortana el día 2 de mayo llamados por Euskal Dantzarien Biltzarra.

Euskal Herriko Dantzari Eguna 2009

Dantzari Egun Osoa

Egunak hodeitsu argitu badu ere, 11:30etarako eguzkia izan dugu Atarrabiako ortzian jaun eta jabe. Orduan hasi dira jatorrizko taldeak dantzan. Iadanik jendea gerturatua zen Udal enparantzara artisau azokari begiradatxo bat ematera, baina txistu doinuek jendea karpara gerturatu dute. Iribas, Izaba, Leitza eta Berako dantzek ederki alaitu dute dantza protagonista izan den eguna. Honen ondoan, bazkaria izan dute taldeek, eta batek baino gehiagok berriz jantzi behar izan du dantzarako trajea, izan ere, arratsaldean ekitaldi nagusia izan baita. Euskal Herriko probintzi ezberdinak ordezkatzeko 700 dantzari inguru bildu dira Indurain Anaiak polikiroldegian. Guziak elkarrekin Udal enparantzara abiatu dira 17:30ak pasatxo zirelarik eta bertan, tradizioari jarraiki, Agintariarena dantzatu dute Araba, Bizkaia, Gipuzkoa, Lapurdi, Zuberoa eta Nafarroako taldeek. Udaletik kendu bazuten ere, gaur hamaika ikurrinek estali dute ortzia. Horren aitzinetik, ordea, aurreskua dantzatu zaie dantzariei.

EHko Dantzari Eguna 09

Gaur ospatuko da Euskal Herriko Dantzari Eguna, Atarrabian. Goizean-goiz hasiko den egitaraua ez da akituko bihar goizaldera arte. Urtero bezala, Euskal Herri osoko dantza taldeak elkartuko dira gure herriko dantzak plazaratzeko asmoz. Herrialde bakoitzak bere dantzak aurkeztuko ditu eta gero afaria eta gaupasa izanen dute guziek. Dena-den, hori ez da gaurko prestaturik dagoen gauza bakarra, izan ere, goizeko 11:30ean jatorrizko dantza taldeak arituko baitira karrikak alaitzen.

Hoy se celebrará una nueva edición del dantzari eguna nacional en Villaba-Atarrabia. El programa empezará por la mañana y terminará de madrugada.

Iraileko kronika

IRAILA

Irailaren hasieran dantza saiorik ez genuen izan baina izan genituen ezkontzetako arkuak (dantzariok gutxien maite duguna). Fanfarrekoek egin zuten lan baina bakarka. Artikako jaietan dianak jotzen ibili ziren txistulariak larunbat goizean eta igandean fanfarre osoa aritu zen goizez kalejiran eta bazkalondoa alaitzen gero. Hilaren 9tik 11ra Katalunia aldera joan ginen bertako Xicots de Vilafrancak gonbidatuta. Ardanbera fanfarrearekin batera joan ginen eta gazteenek dantza berriak egiteko probestu genuen. Aukera izan genuen bai gure dantzak erakusteko eta baita gazteluak egiten ikasteko ere. Taldeko baten batek gustu izugarria hartu zion gazteluak egiteari!!

Handik bueltan Ikerren ezkontza izan genuen (oraingoz dantzari ohietan azkena). Hara Eguzki Ederrekoekin batera joan ginen, bere neskaren taldea. Eta ezkontzaren ondoren bazkaltzera geratu ez ginenak Monteagudoko dantzak errepasatzera joan ginen (ze pazientzia duen gurekin Erriberako mutil horrek!) Hurrengo bi astetan Monteagudoko dantzak ikasten eta errepasatzen (neskek ikasi eta mutilek errepasatu) ibili ginen dantzari egunerako.

San Fermin txikitan fanfarrekoak animatu ziren instrumentuekin kalera irtetera. Iruñeko alde zaharreko karriketan barna ibili ziren goizez. Eguerdian Euskal Jaiko bazkarian egon ziren Iruñeko bertze fanfarre eta kulturaren inguruko taldeekin batera, eta baita kanpotik etorritakoekin batera ere. Bazkalondoan beste fanfarreekin batera jotzen ibili ziren. Arratsaldez Oberena peñakoekin batera kalejira egin zuten eta gero afaltzera joan ziren haiekin. Afalondoan ere geratzen ziren indar apurrekin jotzen ibili ziren gaueko ordu txikitan. Eta leher eginda zeudenean parranda egitera joan ziren.

Hilaren 30ean Gazteiza joan ginen Nafarroako Basakaitz, Larratz eta Txori Zurirekin batera eta bertze herrialdeetako zenbait talderekin batera EDB-k antolatutako dantzari egunera. Goizez dantzatu, bertan bazkaldu eta arratsaldez udako azkenengo juerga egin genuen erromerian. Eskerrak eman behar dizkiegu Muthiko Alaiak eta Txori Zuriri arropa eta materiala uzteagatik egun horretarako.

Eta orain iritsi da garaia berriz ere neguko entsaioekin hasteko, datorren urterako prestatu beharko gara.

Euskal Herriko Dantzari Eguna

EHDE '07

Bihar, Irailak 30, ospatuko da Euskal Herriko Dantzari Eguna Arabako hiriburuan. Urtero bezenaz herrialde guzietako ordezkariek parte hartuko dute EDBk antolaturiko festa honetan. Nafarroaren ordezkariak Basakaitz, Larratz, Txori Zuri eta Oberena izanen dira eta goizeko ekitaldian Monteagudoko dancea eskeiniko dute. Arratsaldean erromeriarekin gozatzeko aukera izanen dute dantzari guztiek.

Mañana día 30 de Septiembre tendrá lugar el día nacional de los dantzaris en la capital Alavesa, organizado por EDB. Como todos los años participarán todos los representantes de cada provincia. En representación de Navarra acudirán Basakaitz, Larratz, Txori Zuri y Oberena. Tras el acto de la mañana en el que se bailará el dance de Monteagudo podrán disfrutar de una romería que se prolongará hasta las 8 de la tarde.

Goizeko Ekitaldia/Acto de la Mañana:

ordua: 12:00 lekua: astronomoen futbol zelaian.
Hauek dira herrialde bakoitzak dantzatuko dituen dantzak:
Araba: Uruñuela eta Mendiko
Bizkaia: Gorulariak (domingiluarena eta arku-dantza)
Gipuzkoa: Jorrai-dantza, soinu zaharra eta Agurra
Nafarroa: Monteagudoko dancea
Lapurdi: Kaskarot martxa, Makil ttiki berria, Bettiren fandangoa, soka-dantza
Nafarroa Beherea: Kabalkada, Euskaldunak, Sorginak, Kontra-dantza, Kabalkada
Zuberoa: Barrikada haustea, Ostalertsa, Gabota, Godalet-dantza, Martxa